Om oss

Om Raknestunet

Raknestunet Ungdomssenter er ein kristen leirplass som er eigd av Nordhordland Indremisjon.
Det er den største leirplassen i Nordhordland og ligg idyllisk til i Raknesvågen på Osterøy utanfor Bergen. Raknestunet vart bygd i 1965 og har sidan vore påbygd i fleire omgongar. Den siste var i 2022, då det var ferdig nybygg som rommar kjøkken, matsal, møtesal, gymsal, inngongsparti og vrimleområde, og i tillegg vart alle internatromma oppussa.

Raknestunet vert brukt av Nordhordland Indremisjon til å arrangere leirar og andre arrangement i regi av krinsen. Dei dagane og helgene som Nordhordland Indremisjon ikkje nyttar bygget, er det ope for ekstern utleige.

Fasilitetar og kapasitet

På Raknestunet er alt samla under eitt tak. Me har møtesal, matsal, peisestove og ny gymsal. Møtesalen og matsalen kan gjerast til eitt rom ved behov, slik at ein får eit stort lokale. Me har òg kiosk og internatdel.

Internatdelen består av tre ulike delar, og har til saman 22 rom med eigne toalett og bad. Romma har frå 1-5 sengeplassar, totalt 85 sengeplassar. Sjå kart over rominndelinga HER.

Bygget ligg fint til i ein våg ved Osterfjorden. Me har privat kai og eit eige naust med båt og kanoar.
Elles har me tarzanløype, badestrand, trampoline og baner for ulike ballspel på uteområdet (sjå bildegalleri oppe i menyen).